செய்திகள்

திருகோணமலை மாவட்ட ஒருங்கிணைப்புக் குழுக் கூட்டம், மாவட்ட செயலக மாநாட்டு மண்டபத்தில் இன்று திங்கட்கிழமை (10.06.2019) காலை மாவட்ட அரசாங்க அதிபர் என்.என்.புஸ்பகுமாரவின் வரவேற்புரையுடன் நடைபெற்றது.

நாடாளுமன்ற உறுப்பினர் இரா.சம்பந்தன், பிரதியமைச்சர் சுசந்த புஞ்சிநிலமே, முன்னாள் பிரதி அமைச்சர் அப்துல்லாஹ் மஹ்ரூப் ஆகியோரின் இணைத் தலைமையில் நடைபெற்றது.

இக்கூட்டத்தில், இவ்வாண்டு நடை முறைப்படுத்தப்படும் அபிவிருத்தி வேலைத்திட்டங்களின் முன்னேற்றம்,

எதிர்காலச் செயற்பாடுகள் உள்ளிட்ட பல்வேறு விடயங்கள் தொடர்பாக ஆராயப்பட்டது.

வழங்கப்பட்ட உதவியுடன் பெண்கள் தங்கள் வணிக முயற்சியை மேம்படுத்த வேண்டும் என்று திருகோணமலை மாவட்ட அரசாங்க அதிபர் திரு.என்.ஏ.ஏ.புஷ்பகுமாரா தெரிவித்தார். திருகோணமலை மாவட்ட செயலகம் ஏற்பாடு செய்துள்ள சர்வதேச மகளிர் தின நிகழ்வில், யுத்தம் காரணமாக திருகோணமலை மாவட்ட பெண்கள் பெண்கள் அரசாங்கத்தை வலுப்படுத்த பல சிரமங்களை எதிர்கொண்டனர். பெண்களை வலுப்படுத்தும் நோக்கத்துடன், பெண்களை வலுப்படுத்தும் பணியின் போது மாவட்ட மற்றும் பிரதேச செயலகம் மூலம் பல நடவடிக்கைகள் செயல்படுத்தப்படுகின்றன. இந்த நிகழ்வில், திருகோணமலை மாவட்ட மக்களுக்கு அவர் செய்த சேவையைப் பாராட்ட மாவட்ட செயலாளருக்கு நினைவுச்சின்ன பரிசு வழங்கப்பட்டது.

இந்த நிகழ்வில் கூடுதல் மாவட்ட செயலாளர் திரு.கே.அருந்தவராஜா மற்றும் திரு.எம்.ஏ.அனாஸ் கூடுதல் மாவட்ட செயலாளர் (நிலம்), துறை தலைவர்கள், மாவட்ட பெண்கள் கூட்டமைப்பின் உறுப்பினர்கள் மற்றும் பலர் கலந்து கொண்டனர்.

சட்டவிரோத போதைப்பொருள் பாவனைக்கு எதிராக உறுதிமொழியை வழங்கும் நிகழ்வு, ஏப்ரல் 03, 2019 அன்று திருகோணமலை மாவட்ட செயலகத்தில் நடைபெற்றது.

திரு.எம்.ஏ.அனாஸ் மேலதிக மாவட்ட செயலாளர்(நிலம்), திருமதி கே.பரமேஸ்வரன் இயக்குநர் திட்டமிடல், திரு.என்.பிரதீபன் உதவி மாவட்ட செயலாளர் , திரு.ஜெயந்தா விஜயசேகர தலைவர் ஒருங்கிணைப்பாளர், திரு. எஸ்.கே.டி.நெரஞ்சன் திருகோணமலை மாவட்ட செயலகத்தின் நிர்வாக அதிகாரி, சக அதிகாரிகள் இந்த நிகழ்வில் பங்கேற்றனர்.

2019ம் வருடத்திற்கான திருகோணமலை மாவட்டத்திற்கான முதலாவது ஒருங்கிணைப்புக்குழுக்கூட்டம் இன்று திருகோணமலை மாவட்ட செயலகத்தில் மாவட்ட ஒருங்கிணைப்புக்குழுக்குழுவின் இணைத்தலைவர்களான கப்பல்துறை மற்றும் துறைமுகங்கள் பிரதியமைச்சர் அப்துல்லா மஹ்ரூப் ,பாராளுமன்ற உறுப்பினர் ஆர். சம்பந்தன் ஆகியோரது தலைமையில் நடைபெற்றது.

கிராம சக்தி வேலைத்திட்டத்தின் கீழ் இற்றைவரை 66 சமூக நிர்வாக கிராமங்களும் 33 வறுமை ஒழிப்பு கிராமங்களும் தெரிவு செய்யப்பட்டுள்ளதாகவும் வெகு விரைவில் இவ்வேலைத்திட்டம் நடைமுறைப்படுத்தப்படவுள்ளதாக மாவட்ட அரசாங்க அதிபர் என்.ஏ.ஏ.புஸ்பகுமார தெரிவித்தார். அதேபோல் கம்பெரலிய வேலைத்திட்டத்திட்டத்தின் கீழ் 1163 வேலைத்திட்டதிட்டங்களுக்காக 846 மில்லியன் ரூபா நிதி கிடைக்கப்பெற்றுள்ளதாகவும் இந்நிதி பிரதேச செயலாளர்களுக்கு விடுவிக்கப்பட்டுள்ளதாக மாவட்ட அரசாங்க அதிபர் தெரிவித்தார்.

தேசிய உணவு உற்பத்தி வேலைத்திட்டம்,போதைப்பொருள் ஒழிப்பு வேலைத்திட்டம்,சிறு நீரக நோய் தொடர்பான வேலைத்திட்டம்,மாவட்ட சமூக பொருளாதார பிரச்சினைகள் மற்றும் அபிவிருத்தி தொடர்பான பல விடயங்கள் இதன் போது ஆராயப்பட்டன.

இந் நிகழ்வில் பாராளுமன்ற உறுப்பினர்களான சுசந்த புஞ்சிநிலமே,கே.துரைரட்ணசிங்கம்,அரசியல் பிரமுகர்கள்,அரச அதிகாரிகள்,முப்படை மற்றும் பொலிஸ் அதிகாரிகள் பலரும் கலந்து கொண்டனர்.

71வது தேசிய தின கொண்டாட்ட நிகழ்வுகளுக்கு இணைவாக ஏற்பாடு செய்யப்பட்ட திருகோணமலை மாவட்ட தேசிய தின நிகழ்வுகள் இன்று திருகோணமலை பிரட்ரிக் கோட்டைக்கு அருகாமையில் உள்ள பிரதேசத்தில் கிழக்கு மாகாண ஆளுநர் கலாநிதி எம். எல்.ஏ.எம்.ஹிஸ்புல்லாஹ் மற்றும் திருகோணமலை மாவட்ட பாராளுமன்ற உறுப்பினர் இம்ரான் மஹ்ரூப் தலைமையில் நடைபெற்றது.

தேசிய தலைவர்கள் அன்று இன மத மொழி வேறுபாடுகளுக்கு அப்பால் ஒன்றுபட்டு செயற்பட்டமையால் எமது தேசத்திற்கு சுதந்திரம் கிடைத்தது.கிழக்கு மாகாணம் பல துறைகளில் பின்னடைவை சந்தித்துள்ளது.எனவே அடுத்த தேசிய தின கொண்டாட்ட நிகழ்வுகளுக்கு முன் கிழக்கு மாகாணத்தை சகல துறைசார் விஷயங்களிலும் அபிவிருத்தியை அடைய

செய்ய தாம் முழுமையாக அர்ப்பணித்து செயற்படுவது தமது நோக்கமாக இருப்பதாகவும் அதற்கு அனைவரது ஒத்துழைப்பையும் வழங்குமாறு கிழக்கு மாகாண ஆளுநர் இதன் போது கேட்டுக்கொண்டார்.

இந்த நிகழ்வில் அரசியல் தலைவர்கள்,கிழக்கு மாகாண பிரதம செயலாளர்டி.எம்.எஸ்.அபேகுணவர்தன, திருகோணமலை மாவட்ட அரசாங்க அதிபர் என்.ஏ.ஏ.புஸ்பகுமார ,முப்படை மற்றும் பொலிஸ் அதிகாரிகள்,அரச அதிகாரிகள்,மாணவர்கள்,பொதுமக்கள் என பலரும் கலந்து கொண்டனர்